Stofnun Starfsendurhæfingar Suðurlands
Stofnfundur Starfsendurhæfingar Suðurlands var haldinn þann þann 19. maí 2009. Aðdraganda stofnunarinnar má rekja til haustsins 2008 en þann 28. október 2008 var haldinn kynningarfundur í fundarsal þjónustuskrifstofu stéttarfélaga um starfsendurhæfingu á Suðurlandi. Í kjölfar kynningarfundarins var skipaður undirbúningshópur og síðar starfshópur sem í voru Svava Jónsdóttir frá Smfs, Guðný Ingvarsdóttir frá Lífeyrissjóðnum Festa og María Kristjánsdóttir félagsmálastjóri í Hveragerði.
Í janúar 2009 var Starfsendurhæfingu Suðurlands gefið nafnið Birta eftir óformlega nafnasamkeppni meðal stjórnar Birtu og samstarfsaðila. Steinunn Ósk Kolbeinsdóttir verkefnastjóri hjá Fræðsluneti Suðurlands á heiðurinn að nafni og merki Birtu.
Stofnaðilar Birtu
Stofnaðilar eru; Sveitarfélagið Árborg, Sveitarfélagið Ölfus, Hveragerðisbær, Rangárþing ytra, Festa lífeyrissjóður, Lífeyrissjóður Rangæinga, Báran stéttarfélag, Verkalýðsfélag Suðurlands, FOSS Suðurlandi, Verslunarmannafélag Suðurlands, Félag iðn- og tæknigreina, Vinnumálastofnun Suðurlandi, Heilbrigðisstofnun Suðurlands, Rauði Krossinn Árnesingadeild, Samtök Sunnlenskra sveitarfélaga, Fræðslunet Suðurlands, Fjölbrautaskóli Suðurlands, Heilsustofnun NLFÍ og Smfs.
Stjórn Starfsendurhæfingar Suðurlands
Í stjórn Birtu á starfsárinu 2019-2020 eru:
Svava Júlía Jónsdóttir forstöðumaður Vinnumálastofnunar er formaður stjórnar. Varamaður er Arna Ír Gunnarsdóttir félagsráðgjafi hjá Árnesþingi.
Eyjólfur Sturlaugsson framkvæmdastjóri Fræðslunets Suðurlands – varmaður er Anný Ingimarsdóttir verkefnastjóri hjá Sveitarfélaginu Árborg.
Sigurlín Guðný Ingvarsdóttir frá Lífeyrissjóðinum Festa – varamaður er Þröstur Sigurðsson frá Lífeyrissjóði Rangæinga.
Gils Einarsson frá Verslunarmannafélagi Árnessýslu – varamaður er Þór Hreinsson frá stéttarfélaginu Bárunni.
Anna Margrét Guðmundsdóttir frá Heilsustofnun NLFÍ – varamaður er Árný Erla Bjarnadóttir frá FOSS stéttarfélagi.
Starfsfólk Birtu
Forstöðumaður: Sandra Guðmundsdóttir, félagsráðgjafi.
Vefpóstur: sandra@birtastarfs.is
Sandra hefur starfað hjá Birtu frá stofnun Birtu. Fyrst sem verkefnastjóri hjá stjórn Birtu við að koma starfseminni á fót og í framhaldinu sem forstöðumaður. Sandra stýrir daglegu starfi stofnunarinnar, er ráðgjafi í starfsendurhæfingu, sinnir félagslegri ráðgjöf og hópastarfi.
Verkefnastjóri og ráðgjafi: Elísabet Kristjánsdóttir, íþrótta- og heilsufræðingur.
Vefpóstur: beta@birtastarfs.is
Elísabet hefur starfað hjá Birtu frá upphafi. Fyrst sem verktaki með líkamsþjálfun og fræðslu. Frá haustinu 2011 hefur Elísabet verið í 60% starfi hjá Birtu samhliða því sem hún rekur fyrirtækið Vatn og Heilsa ásamt fleirum. Elísabet starfar sem ráðgjafi í starfsendurhæfingu og heldur utan um líkamsþjálfun og heilsutengda fræðslu.
Sálfræðingur og ráðgjafi: Brynja Guðmundsdóttir.
Vefpóstur: brynja@birtastarfs.is
Brynja hefur starfað hjá Birtu frá árinu 2017 og starfar í dag í 100% starfi sem sálfræðingur og ráðgjafi í starfsendurhæfingu. Brynja sinnir einnig námskeiðum og hópastarfi á vegum Birtu.
Hvar er Birta til húsa?
Birta er með aðstöðu í Fjölheimum við Tryggvagötu á Selfossi og þar fer kennsla jafnframt fram.
Fjölheimar eru í nýstandsettu húsnæði gamla barnaskólans á Selfossi. Fjölmargar stofnanir og aðilar hafa aðsetur í Fjölheimum, þar á meðal helsti samstarfsaðili Birtu, Fræðslunet Suðurlands. Auk þess eru í húsinu Háskólafélag Suðurlands, Markaðsstofa Suðurlands, Rannsóknarsetur Háskóla Íslands, réttindagæslumaður Suðurlands, Lausnin fjölskyldumiðstöð og aðrir aðilar.
Skrifstofur Birtu eru á skrifstofugangi á jarðhæð og á 2. hæð.
Hvernig er hægt að hafa samband?
Hægt er að ná í sambandi við ráðgjafa Birtu með því að hringja í síma 560-2055 eða senda tölvupóst á birta@birtastarfs.is
Birta starfsendurhæfing notar vefkökur – þú getur lesið nánar um það með því að smella HÉR