Stofnun Starfsendurhæfingar Suðurlands

Stofnfundur Starfsendurhæfingar Suðurlands var haldinn þann þann 19. maí 2009. Aðdraganda stofnunarinnar má rekja til haustsins 2008 en þann 28. október 2008 var haldinn kynningarfundur í fundarsal þjónustuskrifstofu stéttarfélaga um starfsendurhæfingu á Suðurlandi. Í kjölfar kynningarfundarins var skipaður undirbúningshópur og síðar starfshópur sem í voru Svava Jónsdóttir frá Smfs, Guðný Ingvarsdóttir frá Lífeyrissjóðnum Festa og María Kristjánsdóttir félagsmálastjóri í Hveragerði.
Í janúar 2009 var Starfsendurhæfingu Suðurlands gefið nafnið Birta eftir óformlega nafnasamkeppni meðal stjórnar Birtu og samstarfsaðila. Steinunn Ósk Kolbeinsdóttir verkefnastjóri hjá Fræðsluneti Suðurlands á heiðurinn að nafni og merki Birtu.

Stofnaðilar Birtu

Stofnaðilar eru; Sveitarfélagið Árborg, Sveitarfélagið Ölfus, Hveragerðisbær, Rangárþing ytra, Festa lífeyrissjóður, Lífeyrissjóður Rangæinga, Báran stéttarfélag, Verkalýðsfélag Suðurlands, FOSS Suðurlandi, Verslunarmannafélag Suðurlands, Félag iðn- og tæknigreina, Vinnumálastofnun Suðurlandi, Heilbrigðisstofnun Suðurlands, Rauði Krossinn Árnesingadeild, Samtök Sunnlenskra sveitarfélaga, Fræðslunet Suðurlands, Fjölbrautaskóli Suðurlands, Heilsustofnun NLFÍ og Smfs.

Stjórn Starfsendurhæfingar Suðurlands

Í stjórn frá árinu 2013 eru:

María Kristjánsdóttir félagsmálastjóri í Árnesþingi –  varmaður er Anný Ingimarsdóttir verkefnastjóri hjá sveitarfélaginu Árborg.
Sigurlín Guðný Ingvarsdóttir frá Lífeyrissjóðinum Festa – varamaður er Þröstur Sigurðsson frá Lífeyrissjóði Rangæinga.
Ragnheiður Hergeirsdóttir frá Vinnumálastofnun á Suðurlandi – varamaður er Olga Lísa Garðarsdóttir skólameistari FSU.
Gils Einarsson frá Verslunarmannafélagi Árnessýslu – varamaður er Þór Hreinsson frá stéttarfélaginu Bárunni
Anna Margrét Guðmundsdóttir frá Heilsustofnun NLFÍ – varamaður er Árný Erla Bjarnadóttir frá FOSS stéttarfélagi.

María og Guðný er kosnar til eins árs, aðrir til tveggja ára.

 

Starfsfólk Birtu

 

sandra

Forstöðumaður: Sandra Guðmundsdóttir, félagsráðgjafi.

Vefpóstur: sandra@birtastarfs.is

Sandra hefur starfað hjá Birtu frá stofnun Birtu. Fyrst sem verkefnastjóri hjá stjórn Birtu við að koma starfseminni á fót og í framhaldinu sem forstöðumaður. Sandra stýrir daglegu starfi stofnunarinnar, er ráðgjafi í starfsendurhæfingu, sinnir félagslegri ráðgjöf og heldur utan um hópfundi.

beta

Verkefnastjóri heilsulínu: Elísabet Kristjánsdóttir, íþrótta- og heilsufræðingur.

Vefpóstur: beta@birtastarfs.is

Elísabet hefur starfað hjá Birtu frá upphafi. Fyrst sem verktaki með líkamsþjálfun og fræðslu. Frá haustinu 2011 hefur Elísabet verið í 60% starfi hjá Birtu samhliða því sem hún rekur fyrirtækið Vatn og Heilsa ásamt fleirum. Elísabet starfar sem ráðgjafi í starfsendurhæfingu og heldur utan um líkamsþjálfun og heilsutengda fræðslu.

 

Sálfræðingur og ráðgjafi: Brynja Guðmundsdóttir.

Vefpóstur: brynja@birtastarfs.is

Brynja hefur starfað hjá Birtu frá árinu 2017 og starfar í dag í 100% starfi sem sálfræðingur og ráðgjafi í starfsendurhæfingu. Brynja sinnir einnig námskeiðum og hópastarfi á vegum Birtu.

 

Ráðgjafi: Valdimar Þór Svavarsson

Vefpóstur: valdimar@birtastarfs.is

Valdimar hefur starfað hjá Birtu frá 2017 í 50% starfi. Hann starfar sem ráðgjafi í starfsendurhæfingu og heldur utan um hluta skjólstæðinga Birtu ásamt þátttöku í daglegu starfi, fyrirlestrum og kennslu.

 

Hvar er Birta til húsa?

Birta er með aðstöðu í Fjölheimum við Bankaveg á Selfossi og þar fer kennsla jafnframt fram.

Fjölheimar eru í nýstandsettu húsnæði gamla barnaskólans á Selfossi. Fjölmargar stofnanir og aðilar hafa aðsetur í Fjölheimum, þar á meðal helsti samstarfsaðili Birtu, Fræðslunet Suðurlands. Auk þess eru í húsinu Fjölmennt – fullorðinsfræðsla fatlaðra, Háskólafélag Suðurlands, Markaðsstofa Suðurlands, Rannsóknarsetur Háskóla Íslands, Katla geographic, réttindagæslumaður Suðurlands, Sálin sálfræðistofa og aðrir aðilar.

Skrifstofur Birtu eru á skrifstofugangi á jarðhæð og á 2. hæð.

 

Hvernig er hægt að hafa samband?

Hægt er að ná í sambandi við ráðgjafa Birtu með því að hringja í Fjölheima í síma 560-2030 eða senda tölvupóst á birta@birtastarfs.is

 

Ársskýrslur og ársreikningar

Birta starfsendurhæfing notar vefkökur – þú getur lesið nánar um það með því að smella HÉR