Stofnun Starfsendurhæfingar Suðurlands
Stofnfundur Starfsendurhæfingar Suðurlands var haldinn þann þann 19. maí 2009. Aðdraganda stofnunarinnar má rekja til haustsins 2008 en þann 28. október 2008 var haldinn kynningarfundur í fundarsal þjónustuskrifstofu stéttarfélaga um starfsendurhæfingu á Suðurlandi. Í kjölfar kynningarfundarins var skipaður undirbúningshópur og síðar starfshópur sem í voru Svava Jónsdóttir frá Smfs, Guðný Ingvarsdóttir frá Lífeyrissjóðnum Festa og María Kristjánsdóttir félagsmálastjóri í Hveragerði.
Í janúar 2009 var Starfsendurhæfingu Suðurlands gefið nafnið Birta eftir óformlega nafnasamkeppni meðal stjórnar Birtu og samstarfsaðila. Steinunn Ósk Kolbeinsdóttir verkefnastjóri hjá Fræðsluneti Suðurlands á heiðurinn að nafni og merki Birtu.
Stofnaðilar Birtu
Stofnaðilar eru; Sveitarfélagið Árborg, Sveitarfélagið Ölfus, Hveragerðisbær, Rangárþing ytra, Festa lífeyrissjóður, Lífeyrissjóður Rangæinga, Báran stéttarfélag, Verkalýðsfélag Suðurlands, FOSS Suðurlandi, Verslunarmannafélag Suðurlands, Félag iðn- og tæknigreina, Vinnumálastofnun Suðurlandi, Heilbrigðisstofnun Suðurlands, Rauði Krossinn Árnesingadeild, Samtök Sunnlenskra sveitarfélaga, Fræðslunet Suðurlands, Fjölbrautaskóli Suðurlands, Heilsustofnun NLFÍ og Smfs.
Stjórn Starfsendurhæfingar Suðurlands
Formaður er María Kristjánsdóttir félagsmálastjóri í Hveragerði
Ritari er Sigurlín Guðný Ingvarsdóttir frá lífeyrissjóðinum Festa
Aðrir í stjórn eru:
Magna F. Birnir hjúkrunarfræðingur á HNLFÍ
Ásmundur S. Pálsson framkvæmdastjóri Fræðslunets Suðurlands
Már Guðnason formaður stéttarfélaganna á Suðurlandi
Starfsfólk Birtu
Forstöðumaður: Sandra Guðmundsdóttir, félagsráðgjafi.
Verkefnastjóri líkamlegrar endurhæfingar: Elísabet Kristjánsdóttir, íþrótta- og heilsufræðingur
Umsjónarmaður skólahóps: Svala Sigurgeirsdóttir, líffræðingur og kennari.
Hvar er Birta til húsa?
Birta er staðsett í gamla Sandvíkurskóla v/Bankaveg. Gengið inn í stjórnunarálmu. Kennsla fer að mestu leyti fram í húsnæði Fræðslunets Suðurlands í Iðu við Fjölbrautaskóla Suðurlands. Frá og með haustinu 2012 mun kennslan fara fram í Sandvíkurskóla v/Bankaveg. Líkamsþjálfun fer fram í Sportstöðinni á Selfossi.
Hvernig er hægt að hafa samband?
Ráðgjafar Birtu eru með skrifstofu á Austurvegi 36. Síminn á skrifstofunni er 482-1390, GSM er 860-3390. Netfang Birtu er birta@birtastarfs.is.
Helstu markmið með starfsendurhæfingu hjá Birtu
- Að endurhæfa þátttakendur til atvinnuþátttöku og þar með auka lífsgæði þeirra og fjölskyldna þeirra.
- Að þátttakendur fari í atvinnu að endurhæfingu lokinni, jafnvel að loknu frekara námi.
- Að endurhæfingin fari almennt fram í heimabyggð.
Fyrir hverja er Birta?
- Fólk sem hefur lent utan vinnumarkaðar af einhverjum ástæðum en vill styrkja stöðu sína með það að markmiði að komast aftur á vinnumarkað.
- Fólk með skerta vinnufærni af ýmsum orsökum.
- Einstaklinga með örorkumat eða endurhæfingarlífeyri og einstaklinga sem fá greiðslur frá lífeyrissjóðum, atvinnuleysisbætur eða fjárhagsaðstoð frá sveitarfélögum.
- Miðað er við að einstaklingar séu á aldrinum 18-55 ára.